Bederatzi gai aztertuko ditu Udalbatzak otsailari dagokion Osoko Bilkuran

Udalbatza otsailari dagokion hileko Osoko Bilkurara bilduko da asteazken iluntzean. Bilerak ohiko izaera izango du eta iluntzeko zortzietarako deituta dago lehen deialdian, eta ordu erdi beranduago bigarrenean bada. Gai-zerrendak bederatzi puntu hartzen ditu barne eta horien artean denetarik dago, eta azpimarragarri, Hiri Antolamenduko Plan Nagusia, Hirigune Historikoa Babesteko eta Kontserbatzeko Plan Berezia eta Bildu-EA eta Alternativa Eraikitzen taldeko hirugarren zinegotziaren karguaz jabetzea.

Lehenengo puntua bertaratzen direnei bilerako edozein gairekin zerikusia duen gauza garrantzitsuak jakitera emateko gonbidapena izango da. Bigarrenean, abenduan eginiko bileraren akta. Jarraian Bildu-EA eta Alternativa Eraikitzen taldeko hirugarren zinegotzia izango den Óscar Frontaura García karguaz jabetuko. Zinegotzi berria Jesus Mari Sarasuak utzitako kargua betetzera dator. Laugarrenean, martxoaren 8an Emakumeen Nazioarteko Eguna dela-eta, erakunde-adierazpenaz mintzatuko zinegotziek.

Bosgarrenean animaliak eduki eta horien babesa arautzen duen udal Ordenantza mozioa hizpide izango da, zeinaren bidez animaliak hainbat leku zehatzetan solte ibili ahal izango diren. Espazio batzuetan eguneko 24 ordutan eta beste hainbatean gaueko 10etatik goizaldeko 8etara bitartean. Seigarrenean, gaiaren ardatza Hiri-antolamenduko Plan Nagusiaren behin betiko agiria izango da. Eta hurrengoan, Hirigune Historikoa Babesteko eta Kontserbatzeko Plan Bereziaren behin betiko agiriaren gaia jorratuko da. Zortzigarrenean, mamia EAJk aurkeztutako mozioa izango da, Erregistro Zibilak enpresa pribatuen eskuetan utz daitezkeenari buruzkoa dena.

Bederatzigarren eta azken puntua, galde-eskariak izango dira, baldin badaude.

Gai-zerrenda ikusteko, saka azpiko informazio gehiago izeneko atalaren gainean.