Teresa Murga hil egin da

Teresa Murga y Mugartegui herenegun zendu zen, Markinako Torre Bidarte izena duen bere etxean, 104 urte beteta zituela. Bere izena darama egun Udal Liburutegi eta Euskaltegiaren egoitza den eraikinak eta bera izan zen Lobiano jauregiaren azken ugazaba, Udalaren jabegora pasatu aurretik. Azken urteotan pare bat ostera egin ditu Ermura, bietan Udalak gonbidatuta: hain zuzen ere Lobianoren inaugurazio ekitaldira eta Liburutegiko ''Bertako Bilduma'' sailaren aurkezpenera.

Emakume ikasia eta irakurria, ilusio handia egin zion bere izena daraman guneak liburu eta kulturarekin hain lotura estua zuenik jakiteak.

Liburutegiak beraren gaineko argazki, artikuluak eta Ermuko eskolaumeekin izandako solasaldiaren bideoa ere gordetzen du, eskuragarri udaleko webgune honetan, aipatutako Bertako Bilduma-Colección Local. Lasterbidez horretara lotura uzten dizuegu, pertsona hobeto ezagutzeko bere bizitzan sakondu nahi duzuen guztientzat.

Teresa Murga, Goian bego.