%62,66 partaidetza eta banaketa: PSOE 6; Bildu 3; PNV 3; Se puede Ermua Ahal da 2; PP 2; Irabazi-Equo 1, Ciudadanos 0

Ermuko Partidu Sozialistak gaurko udal hauteskundeetan bozkatu dutenen ermuarren babesik handiena lortu du. Carlos Totorika hautagaia buru zuen zerrendak 2.530 boto bildu ditu (%31,51). Boto horiei esker sozialistek sei zinegotzi izango dituzte hurrengo legegintzaldian, gehiengo soila lortu gabe. Udalbatza hamazazpik eratzen baitute. Emaitza horrekin, PSEk zinegotzi bat galdu du, zazpitik seira jaitsiz.

Bigarren alderdi gisa PEH Bildu suertatu da, 1.227 txartel bildu baititu (botoen %15,28). Horri esker, 3 zinegotzi mantenduko ditu, zituenak beste. Boto kopuruaren araberako zerrenda horretan, hirugarren tokia EAJarentzat izan da, 1.145 boto eskuratuz gero (botoen %14,26), beste hiru zinegotzi izango dituelarik. Laugarren, Se Puede Ermua Ahal da geratu da 1.132 txartel jaso eta gero (botoen %14,10) eta bi ordezkari izango du. Jarraian sailkapenean, PP geratu da 844 txartel lortuz, kopuru horri esker ordezkari bi izango du Udalbatza berrian, zuenaren erdia galdu eta gero. Seigarren indar moduan, Irabazi-Equo dugu, 735 boto lortuta, %9,15eko portzentajea eta zinegotzi bat emango dioena. Azkenik, Ciudadanosek ez du ordezkaririk izango Ermuan, 293 boto (%3,65) babesa izan eta gero.

Ermuan gaur 8.128 pertsonek botatu dute, hautesleen %62,66. Parte-hartzea duela lau urterekin alderatuta, 1,77 puntu igo delarik. Emaitzak behin-behinekoak dira, Durangoko Hauteskunde Batzordeak jardunaldiko agiriak aztertu eta ontzat eman artean. Une horretan, behin betikotzat joko ditu organo horrek.

2015-2019 legegintzaldian Ermuko Udalbatza osatuko dutela aurreikusten direnen behin-behineko zerrenda –aldaketarik ez bada behintzat- ondorengoa da:

2015-2019 legintzaldiko udalbatzaren kideak

Partidu politikoak	Zinegotzi izango direnen argazkia, izena eta abizenak
PSE-EE PSOE	Carlos Totorika Izagirre	Juan Carlos Abascal Candas	Lorena López García	Beatriz Gámiz Mata	José Luis Araujo Araujo	Miguel Ledesma Piñeiro
EH Bildu	Paul Javier Yarza Aguirregomezcorta	Mireia Arginzoniz Garitaonaindia	Juan María Cano López
EAJ-PNV	Jol Gisasola Garai	Arritokieta Araiztegi Arrizabalaga	Silvia Serrano Gómez
Se puede Ermua Ahal Da	Javier Lobato Tedejo	Oiane Suárez Conde
PP	Fernando Lecumberri Gaisan	Jesús Martin Díaz
Irabazi-Ganar Ermua	Julen Domínguez Sánchez

Gauzak aurreikusita dauden bezala eta gorabeherarik ez badago Udalbatza berria ekainaren 13an eratuko da Osokoaren ezohiko bilkura batean. Bilkura hori larunbat goizez egingo da. Datozen lau urtetarako alkatea ere bilera horretan aukeratuko delarik.

Boto zenbaketaren behin-behineko emaitzak

2015eko Udal-hauteskundeen behin-behineko emaitzak

Logoa	Alderdi politikoa	2015eko botoak	botoen %
	PSE-EE (PSOE)	2.530	%31,51
	EH Bildu	1.227	%15,28
	EAJ-PNV	1.145	%14,26
	Ermua Se puede Ahal da	1.132	%14,10
	PP	844	%10,51
	Irabazi-Ganar Ermua	735	%9,15
	Ciudadanos	735	%3,65

Grafikoa hemen agertuko da.