Hogeita hamasei mokadu gozo bilduko ditu Pintxo Lehiaketaren XV. edizioak

Ostalaritzako hogeita hamasei establezimenduk hartuko dute parte aurtengo herriko pintxo txapelketan. Hamabosgarren edizioko parte hartzaileen kopuruak azken urteetakoen paretsu mantentzen da. Kopuru horrek argi lagatzen du, ekimenarekiko interesa handia dela, bezeroen nahiz tabernarien artean. Pintxoak 1,30 €urotan salduko dituzte, establezimendu bakoitzaren ohiko ordutegian. Pintxo txapelketa ekainaren 8tik 14ra bitartean gauzatuko da.

Edizio honetan izena ema duten guztiek ilusioz egin dute, parte-hartzaileek aurkezten dituzten proposamenak lehen saria lortuko dutenaren esperantzaz, edo horrela ez bada, jendearen saria behintzat. Epaimahaiaren arabera lehiaketa irabazten duenak diploma eta 150 euro eskudirutan jasoko du. Bigarrenak, aldiz, 50 €uro. Horiez gain, jendeari gehien gustatu izan zaionaren autoreari ere, diploma emango zaio. Herritarrok gure iritzia emateko bi aukera izango ditugu. Lehena, internet bidez botoa ematea, webgune korporatibo honetan inkesta egingo dugu. Botazioa zabalik izango da, ekainaren 10eko ostiralaren gauerdira artean. Parte hartzaileen artean oparia zozketatuko da. Bigarren aukera, azoka gastronomikoaren egunean –larunbatean- plazan edalontziak hartzeko postuan egongo den ontzia botatzea da. Lobiano Gastronomi elkarteko antolatzaileek hirugarren urtez koloretan dagoen bi orriko argitaratu dute. Horretan lehiaketara aurkezten diren pintxo guztiek argazkiak, izenak, jan daitezkeen lekuak eta horien osagaien deskripzioa eskaintzen dute.

Txapelketa hau urtero antolatzen du Lobiano Gastronomi Elkarteak. Eta ikusten denez, ikusmin handia pizten du. Epaimahaia establezimendu guztietatik pasako da astean zehar.

Bezeroek txapelketara aurkeztutako pintxoak dastatu ahal izango ditugu ekainaren 10eko astelehenetik 16ko igandera bitartean, biak barne. Pintxoak 1,30 €urotan salduko dira. On egin!

Bozkatzeko formulario