Gure kaleak garbi mantentzeko erreminta berria

Debabarrena Eskualdeko Mankomunitateak urte hasieran eremuak presio handiko ur beroaren bidez garbitzeko makina bat erosi zuen, eta jada hasi da gure herrian martxan.

Makina autopropultsatua da, eta noranzkoz alda daitezkeen lau gurpil ditu. Garbiketa lanetarako mota guztietako tresneria du barnean, besteak beste, upela, presio altuko zirkuitua, galdara, garbiketako kupula eta pistola. Ohiko moduan, hiru koloretan margotuta dago, zuria, berdea eta horia, Mankomunitateko koloreak baitira. Gainera, anagramak ere badaramatza alde bietan.

Eibarren erabili dute jada makina, otsailean hasita, eta oso emaitza onak eman dituela azpimarratu dute arduradunek. Euren hitzetan, makinaren lana lurzoruaren araberakoa izan ohi da, baina orokorrean, oso ondo betetzen du bere funtzioa.

Grau Maquinaria i Servei Integral, S.A. enpresa izan da esleipenduna, eta Elgoibarko Arrizabal enpresak entregatu du makina. Esleitutako kantitatea 180.305 eurokoa izan da, BEZa gabe.

Erosketa berri horri esker, Ermuko kaleak are garbiago aurkituko ditugu hemendik aurrera.