Ur-kontadoreak irakurtzen hasiko dira astelehenetik aurrera

Ur Kontsortzioak –Gipuzkoako Urak S.A.- ohar baten bidez Ermuko abonatuei jakinarazi die abuztuaren 24tik aurrera, astelehena, herriko ur-kontadoreak irakurtzeari ekingo diola. Horrela, kontsumoak ezagutu eta 2015eko hirugarren hiruhilabeteko erreziboak prestatuko dira.

Oharraren arabera, inork etxean ez dela egongo baldin badaki, irakurketaren datua etxeetan utziko duten jakinarazpen-zedulan idazteko eskatu dute Kontsortziotik. Enpresak adierazi du oso garrantzitsua dela datu zehatzak jasotzea kobrantza modu egokian egiteko. Horrela izan ezean, kontagailuaren irakurketarik ez izateak hurrengo ur erreziboan eragina izango lukeela azaldu du.

Abonatuek jakinarazpen zedula edo irakurketaren datua ezagutarazi dezakete Kontsortzioaren edozein bulegotan. Ermuan, Santiago plazaren 3 eraikineko etxabean, eskumako lokalean eta 943 50 83 97 telefonoan izango dira. Bestela, bezeroen arretarako eguneko 24 orduetan erabilgarri dauden 943 31 86 02 edo 902 30 22 22 telefonoetan edota www.gipuzkoakour.com webgunearen bulego birtualean sar daiteke, erregistraturik egonez gero.