Furgoneta batek edadetua kolpatu eta zauritu du San Antonioko aparkalekuan
Laurogeita bi urteko gizona zauritua izan eta Mendaroko ospitalera eraman behar izan dituzte gaur eguerdian Ermuko Gipuzkoa Etorbidean kalean –trenbidearen azpiko aparkalekuan- furgoneta batek kolpatu ondoren, herriko Udaltzaingoak ezagutzera eman duenez. Gizonaren izen-abizenak J.A.D.C. hizkiez idazten dira.
Ezbeharra eguerdiko 12:20tan gertatu da, atzeraka maniobra egiten ari zen furgonetaren gidariak aparkalekuan zebilen agurea kolpatu duenean, oraindik argitu gabe dauden arrazoiengatik. Kolpearen ondorioz aitona lurrera jausi da eta buruan ebakia egin du. Kontziente baina odoletan zegoenez udaltzaingoari deitu zaio. Honek Larrialdiak koordinatzeko zentroarekin kontaktatu eta anbulantzia bidali dute bertara. Aitonak botikak hartzen ohi dituela eta bere adina aintzat hartuz gero, Mendaroko ospitalera eramatea erabaki da, sendatu eta hobe aztertzeko. Herriko Udaltzaingoak gain hartu ditu argiketa eta ikerketa lanak, istripua hirigunean gertatu izan delako.