Agenda txiki, udalaren azaroko agenda haurrentzat

Ermuko Udaleko Euskara eta Kultura Sailek azaroko haurrentzako ekitaldi guztiak agenda batean batu dituzte. Agenda horren berri emango dute bai kaleko erakusleiho edo ‘muppietan’, baita ikastetxeetan edota umeak eta familiak ibiltzen diren tokietan ere.

Kartel formatuko agenda horrek, egutegi moduan, haurrentzako diren jarduerak biltzen ditu, hala nola, zinea, ipuin-kontalariak, irakurketa-klubak, jaialdiak eta umeentzako interesgarri izan daitezkeen beste ekintzak.

Horretaz gain, jarduerak iragartzeko Udalak erabil ohi dituen kanalak ere erabiliko dira, ekintzei ahalik eta zabalkunde handiena emateko, umeen parte-hartzea sustatzeko eta aisialdiko aukera berriak eskaintzeko.

• Azaroko Agenda txiki