Larunbat honetan ipuin kontaketa saioa izango Liburutegian

Abenduko euskarazko ipuin kontaketa saioa datorren larunbatean, hilak 20an, egingo da; 2017 eta 2022 urteen artean jaiotako haurrei zuzenduta egongo da eta 'Otso ipuinak' du izenburuz. Narratzailea Amaia Puin izango da.

Jarduera doakoa da eta liburutegian egingo, 17:30etatik aurrera. Parte hartzeko beharrezkoa da aldez aurretik plaza erreserbatzea, eta horretarako gaurtik aurrera 943 17 92 12 telefonora deitu, WhatsApp bidez mezua bidali (https://wa.me/34943179212) edo biblioteca@udalermua.net postontzira idatzi dezakegu. Bide horietako edozeinetan eman beharko ditugu haurraren izena, abizenak eta adina. Plazak inskripzio ordenaren arabera esleituko dira, dagoen edukiera bete arte.

Haurren kontzentrazioa ez eragozteko, kontaketa hasi ondoren ezin izango da saiora sartu. Hortaz, puntualtasuna eskatzen da.

Ipuin kontalarien saioek txikitatik pizten dute haurrengan liburuekiko eta istorioekiko interesa eta irakurtzeko ohitura.