Kale garbi eta dotoreak Ermuan garbitasun zerbitzuaren lanari esker

Ermuko hainbat kale – harriz egindakoak- eta batez ere espaloiak berri-berriak dirudite. Elementuok aurpegirik onenaz hartzen gaituzte Debabarrena Mankomunitateak zoruak garbitzeko presio altuko ur beroa lehengaitzat duen makina darabilelako. Makina propultsatua eta gida daitekeena da, noranzkoz aldatzeko lau gurpil dituena. Garbiketa lanetarako mota guztietako tresneria du barnean, besteak beste, upela, presio altuko zirkuitua, galdara, garbiketako kupula eta pistola. Elementu borobilak ditu eta ur beroaz igurtziz lurra distiratsu lagatzen du. Bere erabilera eta lanaren emaitza agerian uzten du, baldosa eta adokinen jatorrizko ezaugarriak berreskuratzen baititu. Izan ere, denboraren, kale gorrian eta hotz-beroaren eraginpean, eta gizakiok egiten dugun erabileraren –oinetakoak, txikleak, zigarro hondakinak, eta abar…- ondorioz espazio eta materialak zikin eta desitxuratuak edukitzearen arrazoia dira.

Makina pasa izan den tokietatik eta horietan egindako lanaren adibideak ugari dira: abuztuan bitxitegitik hasi eta txinatar bazarreraino dihoan eta Eroski supermerkatuaren San Pelaioko espaloia dotore utzi zuen. Baita Zubiaurre eta Orbe Kardinalaren plaza ere. Komentukoa kaleko harriak barne, non horien arteko hutsuneak betetzeko eman zitzaion produktu horiaren kolorea ere berreskuratu duen. Egoera berean eta zuri-zuri ditugu baita Martxoaren 8ko plaza eta Berdintasunaren paseoa.

Azken asteetan Badesa sozietateko langileak eta makina Diputazio kaleko espaloiari aurre egiten jardun dute eta testu honen lagungarri utzi dizkizuegun argazkietan ikus daitekeenez emaitza bikaina izan da, begi-bistakoa.

Makina mankomunitatearen barne dauden herri guztietan erabiliko da eta, jada, lortu diren emaitzak ontzat jo dira. Mankomunitatean diote emaitzak lurraren materialaren eta zonaldearen arabera baldintzatzen dutela, baina hori positiboa dela.