Danza Invisible laukotea, Ermua Antzokia dantzan jartzeko prest

Gaztelaniazko musikaren erreferente handienetako bat izango dugu ostiral honetan Ermua Antzokian. Danza Invisible talde malagarrak 30 urtetik gora daramatza musikaren munduan; erabateko erritmodun hiru hamarkada. Horixe erakutsi nahi dute, hain zuzen, Ermuan emango duten kontzertuan.

Javier Ojeda abeslaria buru duen laukote andaluziarrak etapa ezberdinak igaro ditu, hasierako aire britainiardun funk hartatik hasi, eta egungo lanen latindartasun tropikalera. Izan ere, 21 diskoren ostean, geldiezin jarraitzen du Danza Invisiblek.

Kontzertua ostiralean, 22:15etik aurrera izango da Ermua Antzokian. Sarrerak salgai daude, 12 euroren truke, Lobiano Kultur Gunean, BBKren orotariko kutxazainetan, Kutxabanken webgunean eta, ikuskizuna baino ordubete lehenagotik, Antzokiko leihatilan.

Informazio gehiagorako, taldearen webgunera jo dezakezue.

Ostiralerako girotzen joateko, laukotearen abestirik ezagunenetako bat uzten dizuegu, “Sabor de amor”.