2016ko aurrekontua izango da hil honetako osoko bilkuraren ardatza

Udalbatzak zaborrak jasotzeagatiko tasa arautzen duen ordenantza aldatuko du

Udalak ohiko Osoko Bilkura egingo du astearte honetan, maiatzak 3, eta 2016ko aurrekontua izango da landuko den gai nagusia.

19:00etan hasiko da saioa, udaletxeko bilkura aretoan, eta aztertu beharreko gaien zerrendak 17 puntu ditu. Landuko diren lehen hamar gaien artean, zaborrak jasotzeagatiko tasa arautzen duen 6. zenbakiko ordenantzaren aldaketa onestea da aipagarriena. Bestalde, Torrekoa, Scorpio, Ertz eta Zutik tabernen artean dagoen plazari "Euskaldun Berria plaza" izena ematea onartuko du Udalbatzak.

Bilkuraren bigarren zatia oso-osorik 2016ko aurrekontuari buruzkoa izango da. Udaleko alderdiek aurkeztutako zuzenketa osoak eta partzialak aztertuko dira lehenbizi, eta jarraian aurtengo behin betiko dokumentua onartuko da.

• 2016ko maiatzaren 3ko gai-zerrenda
• Bilkuran landuko diren gaien inguruko dokumentazioa

Promosaren Batzorde Orokorra

Osoko Bilkura amaitu ostean, Udalbatzak bilduta jarraituko du Promosaren Batzorde Orokorrerako. Eguneko gai-zerrendan lau puntu biltzen dira. Saioa 21:00etarako deitu da, baina ordua Osoko Bilkuraren iraupenaren araberakoa izango da.