Ermuko KZguneak doako ikastaroen eskaintza zabala du uztailerako

27.06.16
Hezkuntza

Gure herrian Teresa Murga eraikineko bigarren solairuan dagoen KZgunea zerbitzuak erabiltzaileoi Teknologia Berrien eremuan doako prestakuntza zabala eskaintzen jarraitzen du, horretarako bertan egin beharreko nahiz urrutitik eta Internet bidez jarraitu ahal diren ikastaroei esker.

Zerbitzuak uztailerako antolatu dituen ikastaroen eskaintza ezagutzera eman du, uztaila eta uda une aproposak izan baitaitezke ikasten jarraitzeko, eskola ikasturtea nahiz hizkuntzak modu arautuan ikasteko unea bukatu ostean. Gainera gure erritmora eta bestelako zeregin edo zaletasunak uztartuaz egin dezakegulako. Proposamenak ondorengoak dira.

Datorren uztailean bertaratu beharreko ikastaroak jarraikoak dira:

Internet oinarrizko ikastaroa (20 ordu):

  • Uztailaren 1etik 15era, 09:00etatik 11:00etara.
  • Uztailaren 1etik 15era, 11:00etatik 13:00etara.
  • Uztailaren 1etik 15era, 16:00etatik 18:00etara.

Sare Sozialak ikastaroa (16 ordu):

  • Uztailaren 18tik 29ra, 11:00etatik 13:00etara.

Argazki ukitua GIMP erabiliz (16 ordu):

  • Uztailaren 18tik 29ra, 18:00etatik 20:00etara.

Prestakuntzaz gain, Interneterako doako sarbidea, IT Txartela ziurtagiria ateratzeko azterketak eta elkarteentzat doako webguneak sortzeko aukera ere eskaintzen ditu Kzguneak.

Informazio gehiagorako, interesdunek 94 403 33 45 telefonora deitu, tutor.ermua@kzgunea.net helbidera idatzi edo Teresa Murga eraikineko bigarren solairura jo dezakete.

Ikastaroen egutegia, ‘informazio gehiago’ loturan.

Lotutako albisteak

Imagen
28.11.25
‘Beldur Barik Ermua’ lehiaketak bi kategoriako bost talde saritu ditu

Kultura eta indarkeria sexistaren aurkako 20 bideo aurkeztu dira aurtengo lehiaketara
Imagen
IX. Haurren Kontseiluko kideak, adineko pertsonak eta udaleko teknikariak liburutegiko sarreran | El IX Consejo de la Infancia con personas mayores y técnicos/as del ayuntamiento en la entrada de la biblioteca
19.11.25
Ermuko Haurren Kontseilua, Errekalden bisitari

12 kontseilari txikiek txangoa egin dute Errekalde auzora, aurtengo erronka burutzeko informazio gehiago jasotzeko
Imagen
03.11.25
Gabonetako postala marraztera animatzen zara?

Proposamen irabazlea etxeetara bidaliko zaigun aurtengo zorion txartelaren irudia izango da