Berano-Errekaldeko igerilekua, larunbatera arte itxita

Berano-Errekaldeko igerileku naturala gaurtik larunbatera bitartean itxita egongo da osasun arrazoiak direla eta. Badirudi bainurako gunea baino zertxobait gorago, Mallabin, orkatz baten gorpua agertu dela uretan. Herritar batek eman dio abisua Udalari, eta arduradunek lehenbailehen hustu dute igerilekua.

Mantentze lanetaz arduratzen diren langileek azaldu dutenez, hiru egunez ezin izango da igerilekuan bainatu, Osasun Sailaren gomendioz. Beraz, larunbatean irekiko ditu berriro ateak.

Segurtasuna lehenengo

Berano-Errekaldeko igerileku naturalak urtero izaten du segurtasunerako beharrezko materiala. Desfibriladore bat ere badute sorosleek, zoritxarrez norbaitek hura erabiltzea beharko balu.

Uraren maila 20 zentimetrotik 200 zentrimetrorainokoa da punturik sakonenean. Instalazioetan komun kimiko bat, bi aldagela, zaborrontziak, iturri bat, mahaiak eta erretegiak ere aurki daitezke.