Udalbatzak hileroko Osoko Bilkura egingo du

Udalbatzak aste honetan egingo ditu gobernu-organoen bilerak. Bihar asteartea, urriak 4, asteroko Gai-orokorren eta Udalbatzarrak aztertu beharrekoen Informazio Batzordea izango dugu 09:30etik aurrera, eta 10;30etatik, aldiz, Kontuak-Ogasuneko Batzorde Bereziaren bilera. Arratsaldez, eta 7etatik aurrera, ohiko Osoko Bilkura.

Osoko Bilkura biharko 19:00etan hasiko da, eta eguneko gai zerrenda sei puntuk osatzen dute. Lehenik, eguneko gai-zerrendako edozein gairekin zerikusia duen edonolako interes zuzen eta garrantzitsu jakitera eman dezaten gonbidapena egingo die alkateak bilkuran dauden zinegotziei, eta jarraian, bigarren eta hirugarrenean, uztailaren 21ean eta abuztuaren 30ean gindako bilkuretako aktak bozkatuko dituzte.

Laugarrenean Izarra Centren ekintzailetza-espazioak erostearen inguruko ebazpena bozkatuko dute. Eta bosgarrenean, adinekoekin adeitsuak diren hiri eta komunitateei buruzko Dublingo 2013ko Adierazpenarekin Ermuko Udalak bat egiteko ebazpenaren inguruko erabakia mintzagai izan eta bozkatuko baita ere.

Ohiko bilkurako dokumentazio osagarri guztia orrialde honetan topatu daiteke. Gogorarazten dizuegu saioa streaming bidez zuzenean eskainiko dela arratsaldeko 19:00etatik aurrera leiho honetan, baita Udalaren YouTubeko kontu ofizialean ere.