Larunbat arratsaldean kontu kontari Lobiano Kulturgunean

Udal liburutegiak “Arratsaldean kontu kontari” ipuin kontaketa zikloko saio berri bat antolatu du larunbat honetarako, abenduak 17.

Aste honetako ipuin saioak “Apaxi mendian” du izena, eta hiru eta zortzi urte arteko haurrei zuzenduta dago. Kontaketa euskara hutsean izango da, eta Apaxi Kontalarik eskainiko du.

Jarduera Lobiano Kulturgunean izango da arratsaldeko 17:30etik aurrera, eta sarrera doakoa da. Ekimenaren martxa egokia bermatu ahal izateko, plazak mugatuak izango dira. Era berean, puntualtasuna eskatzen da etenik ez egiteko.