Ermuko Udalak eta Tennecok hirigintza-hitzarmena sinatu dute

Ermuko Udalbatzak Tenneco Automotive Iberica S.A. enpresarekin Hiri Antolamenduko Plan Nagusiko (HAPN) Ureta I eta II eremuak aldatzeko hirigintza-hitzarmena behin betiko sinatzea onartu du.

Urtarrilaren 31ko Osoko Bilkuran hartu da erabakia, PSE-EE (6), EAJ (3) eta PP (2) taldeen aldeko botoekin eta EH Bildu (2), Se Puede Ermua Ahal Da (1) eta Irabazi (1) alderdien abstentzioarekin.

Udalaren eta enpresaren artean adostutako hitzarmenaren helburua hirigintza kudeaketa sinplifikatzea da industria partzela hedatzeko eta bere erabilgarritasuna errazteko. Gainera, enpresaren segurtasuna handituko da asteburu eta jaiegunetan. Horrela, oinezkoen bidegurutze bat ekidin eta enpresarantz doan trafikoaren egungo mozketa saihestuko dira, eta harrapaketak jasateko arriskuak ere behera egingo du.

Tenneco enpresak hitzarmen bidez aurkeztutako hirigintza konponbideak, beraz, hirigintzako kudeaketa errazten du eta ez ditu HAPNren eta interes orokorraren helburuak kaltetzen. Hori horrela, Ermuko Udalak behin betiko sinatu du 2016ko azaroaren 29ko Osoko Bilkuran behin-behinean onartutako hitzarmena. Izan ere, Bizkaiko Aldizkari Ofizialean argitaratu eta 20 egunean ez da alegaziorik jaso; beraz, Osoko Bilkurara bidali da onartu ahal izateko.

• Hitzarmena onartzeko txostena
• Hirigintza-hitzarmena

Astelehen honetan, otsailak 6, Carlos Totorika alkatea eta Tenneco Automotive Iberica enpresako ordezkariak bildu dira 2017ko urtarrilaren 31ko Osoko Bilkuran onartutako hitzarmena sinatzeko.

Lerro hauen ostean sinadura ekitaldiko irudiak ikusi daitezke.