Kaput: haurrentzako antzerki emanaldia 'Ganso & Cía' taldearekin

‘Ganso&Cía’ konpainiak haurrentzako antzerki emanaldia eskainiko du Ermua Antzokian larunbat arratsaldeko 5etatik aurrera. Taldeak ‘Kaput’ tituluko muntaia dakar. Ekimena udal kultura sailak antolatu du eta hiruhileko honetako programazioaren barne kokatzen da. Lana Gorka Ganso, Txefo Rodríguez eta Jimena Cavalettik moldaturikoa da. Cavaletti bera da zuzendaria. Gorka Ganso eta Txefo Rodríguez dira aktoreak. Emanaldiak hirurogei minutu iraungo du. Eta sarrerak 4 euro balio du. Antzezlan hau aproposa da ikusle guztientzat -5 urtetik aurrerako haur eta gaztetxoentzat- eta, baita ere familian datozen ikusleentzat. Ez du testurik ez eta hitzik, clown baita.

Sinopsia

Kaput-ek bi zoro eta auto baten ihes geldia kontatzen digu. Bi bidaideak gure aterpean hartuko ditugu, itxaropena eta barealdi-tartea emateko.

Kaput komedia hunkigarri, urratzaile eta zentzugabea da, eta gerren drama unibertsalera eta horien zeharkako ondorioetara hurbilduko gaitu, barretik eta optimismotik abiatuta,

Hitzik gabeko bidaia da, publiko guztiak dibertitzeko eta hunkitzeko gai dena.