Sareko bigarren hodi zulatuak Goienkale eta San Isidroko hainbat eraikinetako bizilagunak eta establezimenduak urik gabe utziko ditu 3 orduz

Gipuzkoako Ur Kontsortzioak ezagutarazi du Goienkale eta San Isidro kaleetako hamar bat eraikinek gaur arratsaldera artean –hiru orduz gutxi gorabehera- ur edangarririk gabe egingo direla Goienkaleko zati bat berritzeko lanetan sare nagusiko hodi bat zulatu eta gero. Zazpi egunen epean gertatzen den bigarren gorabehera da, sareko hodia aldatu eta berritzeko egiten ari diren lanetan. Esan behar, toki horretan ez dagoela ur honidura desbideratzeko eta manetntzeko modurik, hortaz konpoketa egin bitartean zerbitzu eten egin beharko da.

Urik gabe izango diren eraikinak zehatz mehats ondorengoak dira: Goienkale 15, 17, 19 eta 21 eta San Isidroko 5, 7, 9, 11, 13 eta 15. Hodiaren zulatua goizeko bederatzi eta erdiak pasatxoan gertatu izan da Murgil eraikuntzako langileek kale horretatik pasatzen den sareko hodia aldatzeko lanean ari zirenean. Hodi nagusirekin topo egin dute eta hori zulatu. Hortaz, nahi gabe eta aurreikusi gabe etena izan arren, gertaerak eragozpenak ekarriko dizkigu.

Ur kontsortzioa jada lanean da gorabeherari aurre egiteko eta zulatua konpondu eta ura zerbitzua berriz emateko. Kontsortzioaren arduradunek aurreikusi gabeko mozketa eta matxura honek sorturiko eragozpenak barkatzeko eskatu dute. Ura lehenbailehen emateko gogotik egingo dutela jakinarazi eta, ahal dutenean abisurik gabe, ura emango dute. Hortaz, adi.