San Pelayo ikastetxeko ikasleek Ermuko udaletxea bisitatu dute

Ermuko San Pelayo ikastetxeko Lehen Hezkuntzako laugarren mailako neska-mutilak udaletxean izan dira gaur goizean gure herriko historiaren berri izan eta Ermuko Udalaren funtzionamendua gertutik ezagutzeko.

José Luis Araujo alkateorde eta Gizarte Ongizateko, Hezkuntzako eta Hiritarren Segurtasuneko zinegotziak gidatu ditu udaletxean izan diren ia hogeita hamar ikasle eta bi irakasleak. Papera eta boligrafoa eskuan, neska-mutilek adi-adi jarraitu dituzte zinegotziaren azalpenak, eta bisitaren xehetasun guztiak apuntatu dituzte euren koadernoetan.

Bilkuren Aretora iristean, ikasleek euren galdera eta zalantza guztiak azaldu dizkiote José Luis Araujori. Lerro hauen ostean bisitako irudi batzuk ikus ditzakezue.