Sareko hodi zulatuak hiruguneko hainbat kaleetako eraikin urik gabe utziko ditu 4 orduz

Gipuzkoako Ur Kontsortzioak ezagutarazi du Probaleku, San Inazio, Bizkaia Etorbideak, Zearkale eta Diputazio kaleetako eraikinek gaur arratsaldeko 4 eta laurdenetara bitartean –hiru ordu eta erdiz gutxi gorabehera- ur edangarririk gabe egingo direla Probaleku kaleko zati bat berritzeko lanetan sare nagusiko hodi bat zulatu eta gero.

Urik gabe izango diren eraikinak zehatz mehats ondorengoak dira: Probaleku, San Inazio, Bizkaia Etorbideak eta Zearkale kaleetako eraikin guztiek. Hodiaren zulatua goizekohamaikak eta hogei pasatxoan gertatu izan da Murgil eraikuntzako langileek eta makina kalea zabaltzen ari zirenean fibrozementuko zaharraren deribazio batekin topo egin ondoren. Hodi nagusiari lotuta kalea zeharkatzen zuen beste batekin topo egin dute eta hori zulatu.

Ur kontsortzioa jada lanean da gorabeherari aurre egiteko eta zulatua konpondu eta ura zerbitzua berriz emateko. Kontsortzioaren arduradunek aurreikusi gabeko mozketa eta matxura honek sorturiko eragozpenak barkatzeko eskatu dute. Ura lehenbailehen emateko gogotik egingo dutela jakinarazi eta, ahal dutenean abisurik gabe, ura emango dute. Hortaz, adi.

• Matxuraren berri ematen duen abisua