Ermuak Manchesterreko atentatua gaitzesten du eta Britainiar herriari elkartasuna adierazten dio

Ermuko Udalbatzarra eratzen duten alderdi politikoek premiaz eta ezohiko batzarrera bildu dira gaur Manchester hirian bart gauean eginiko atentatua ezagutu ostean. Bozeramaleen Batzordeak aho batez erabaki du 22 hildako eta ia hirurogei zauritu utzi dituen atentatua gaitzestea.

Adostu eta ezagutrazi duten testuak honakoa dio: “Ermuko Udalak gaitzespen irmoa adierazi nahi du, bart gauean Manchester Arenan eskainitako kontzertu batean izandako atentatu basatiaren aurrean; izan ere, bertan izandako sarraskiak hildako ugari eragin ditu. Ermuko Udalak erabateko irmotasunez gaitzesten du indarkeria terroristaren basakeria. Era berean, dolumina eta elkartasuna helarazi nahi dizkie biktimen senideei, eta espero du zauritutako pertsona guztiak ahalik eta lasterren sendatzea.

Ermutik besarkada solidario bat eta hurbiltasun sentimendurik zintzoena bidaltzen diegu Manchesterreko hiriari eta britainiar herritarrei, une latz hauetan”.