Miguel Ángel Blancoren oroimenezko argazki erakusketaren inaugurazioa

Ermuko Udalak astelehen honetan, uztailak 3, 1997ko uztailaren 10etik 14ra bitartean Miguel Angel Blanco zinegotzi ermuarra bahitu zutenetik eta hura erail ondorengo egunetan ateratako argazki bilduma inauguratuko du.

26 argazkik osatzen dute erakusketa, eta gehienak zuri-beltzekoak dira. Herriko bizilagun eta argazkilari batek utzitako materiala izango da ikusgai. Inaugurazio ekitaldia gaur arratsaldean izango da, uztailak 3, arratsaldeko 18:00etatik aurrera Lobiano Kultur Guneko erakusketa aretoan. Bertan izango dira Carlos Totorika alkatea eta Udalbatzako zinegotziak.

Behin ekitaldia amaituta, erakusketa uztailaren 16a arte, igandea, egunero izango da zabalik: astelehenetik ostiralera 18:00etatik 20:00etara, eta larunbat eta igandeetan 11:00etatik 14:00etara.

• Erakusketaren kartela