Gaztedi 2017: gazteei lehen lan-esperientzia eskaintzen dieten enpresentzako laguntzak

Ikasketak bukatu berri dituzten eta langabezian dauden gazteak kontratatzen dituzten enpresei diru-laguntzak emango dizkie Ermuko udalak. Diru-laguntza horiek Eskualdeko 2017 Gaztedi programaren baitan kokatzen dira, horiek Bizkaiko Foru Aldundiak eta Durangaldeko Udalek finantzatzen dituztelarik.

Lan esperientziarik gabeko 18 eta 25 urte bitarteko gazteak kontratatzeagatik 7 beka programa aurreikusten du eskaintzak. Lan izaerarik gabeko praktikak hiru hilabete iraungo dute, urtarrilatik aurrera, eta gazte bekadunek hileko 450 euro jasoko du. Gaztedi programak kostuaren %100 hartuko du gain, praktiketan dauden lagunen Gizarte Segurantza barne.

Orain arte, bost eskaintza jaso dira, ondorengo lanpostu eta profilentzat:

• Mantentze-lanetarako Teknikari elektronikoa.

• Bulegorako administraria (kontabilitatea, bezeroaren arreta, eta abar.)

• Autocad ezagutza duen pertsona.

• Diseinu grafiko, bezero berriak erakartzeko eta irudi korporatiboa, eta abar lantzeko publizista.

• Lan-arriskuak ebaluatzeko laneko arriskuen prebentziorako teknikaria (informatikan moldatzen dena).

Hauetako edozein lanpostuan praktikak egiteko interesatua egonez gero, sar zaitez www.gaztedidurangaldea.eus eta bidali zure Curriculum Vitea.