Zine-klubean ‘Tarajal, Desmontando la impunidad en la frontera Sur’ proiektatuko

2018ko urtera arte zine komertzialeko nahiz gazteentzako emanaldirik izango ez badugu ere, Ermua Antzokiak zabalik mantenduko ditu ateak. Zine-klubak eutsi egingo baitio asteroko hitzorduari urtea agortu artean. Aste honetan, azken aurrekoa ikusi ahal izango dugu. Ostegunean, iluntzeko zortzi eta erdietan.

Aste honetako filma “Tarajal, desmontando la impunidad en la frontera Sur” tituluko dokumentala da, Kooperazio Kontseiluak antolatu dituen sentiberatasun jardunaldien baitan kokatzen dena. X. Artigase eta X. Ortega izan dira zuzendariak. Zintak muga diren Ceuta eta Melilla herrietatikEuropara iristen saiatzen direnen eskubide urraketak ditu hizpide. Zehazki 2014ko otsailean gertaturiko tragedian zentratzen dira. Gertakizun horretan 15 pertsona ito ziren Tarajal hondartzara taldean iristen saiatu zirenean.

Hizlari ezberdinek gertaturikoaren inguruan hitz eginen dute, gertaeraren inguruko analisi bakar bat eskaini nahian.

Tarajal lanak gutxi gorabehera 80 minutuko iraupena du. Iluntzeko zortzi eta erdietan hasiko da, asteroko legez.

Argibide gehiagorako, ikus Antzokiaren mikrositea.