Arratsaldean kontu kontari Lobianon

Ermuko udal liburutegiak 2018. urteko lehenengo Arratsaldean kontu kontari ipuin kontaketa saioa antolatu du larunbat honetarako, urtarrilak 13.

Atxia Motxia du izenburutzat saioak, eta 3 eta 6 urte arteko haurrei zuzenduta dago. Saroa Bikandi ipuin kontalariak gidatuko du ekimena, eta euskaraz egingo da saioa.

Lobiano Kulturgunean izango da ipuin kontaketa, larunbat arratsaldeko 17:30etik aurrera. Jarduera doakoa da, baina plazak mugatuak izango dira, saioaren martxa egokia bermatze aldera. Halaber, etenik sortu ez dadin, puntualtasuna eskatzen zaie parte-hartzaileei.