Fondo tekniko berri anitzak gehitu ditu liburutegiak

Liburutegiak liburu eta ikus-entzunezkoak erosi berri ditu maileguan eskaintzen duen fondo tekniko, praktiko eta kontsultakoa eguneratu eta hobetzeko. Helduentzako fikziozko liburuak eta haurrentzako funtsak erostea ohikoagoa bada ere, eskariei erantzuteko kontsultarako ale edo fondoak eta teknikoak osatzea komenigarria izan da.

Material berri hauek erosteko hainbat irizpide hartu dira kontuan: liburutegian dauden gai hauei buruzko fondoa (erabilera eta egoera), aurrekontu erabilgarria, materialen balizko erabiltzaileak (ikasle gazteak, oposaketak prestatzen ari diren pertsonak edo hezkuntza iraunkorrean dauden pertsonak) eta eskatzen diren gaiak.

Honela, gai zientifikoen arloko liburuetatik (medikuntza, arkitektura, ingeniaritzak, informatika, biokomika, matematikak edo ingurumena) gai humanistikoetako liburuetara (hezkuntza, soziologia, normalizazio linguistikoa), edo enpresarekin lotutakoak eta lan bilaketa. Honez gain, ikasketa metodoak, oposaketak eta hizkuntzak ikasteko metodoa berriak erosi ditu liburutegiak.

Erosketa berrien artean liburuak hizkuntza desberdinetan eta jatorrizko hizkuntzan entzun daitezkeen oso telesaila ezezagunak daude ere. Material gehien hauek Euskadiko Irakurketa Publikoko Sareak ezarritako baldintzetan mailegu hartu eta eraman daitezke.

Hilabete honetan, katalogoan sartu ahala liburutegiko sarreran dagoen erakustoki batean jarriko dira, interesa izan dezaketen pertsonek erraz ikus ditzaten. Geroago, gaiaren arabera dagozkien apalategietan kokatuko dira.