‘Story Time’, ingelesezko istorioak prestatzen

Ermuko udal liburutegiak ingelesezko Story Time ipuin kontaketa saio berria antolatu du larunbat honetarako, otsailak 3, Lobiano Kulturgunean.

Cooking up stories da ipuin saioaren izenburua, eta 6 eta 10 urte bitarteko neska-mutilei zuzenduta dago batez ere. Annie Funny ipuin-kontalariak eskainiko du saioa.

Jarduera hau liburutegiak prestatutako asteburutako ekintza egitarau bereziaren barne dago, eta helburu bikoitza dauka: batetik, ahozko tradizioaren bitartez ipuinen mundura hurbiltzea eta, bestetik, umeen ingelesezko gaitasun linguistikoak hobetzea.

Gogorarazten dizuegu Story Time ekimena Lobiano Kulturgunean izango dela, larunbat honetan 17:30etik aurrera. Sarrera doakoa da, baina plazak mugatuak izango dira, saioaren isiltasun eta kalitate baldintza egokiak bermatze aldera.

Era berean, etenak ekiditeko, puntualtasuna eskatzen da.