Zer irakurri eta ikusi martxoaren 8an

Udal Berdintasun Sailak eta liburutegiak irakurketa gida berezi bat sortu dute elkarlanean martxoaren 8rako, Emakumeen Nazioarteko Egunerako, alegia.

Gida horretan webgune interesgarriak, telesailak eta liburutegian edo Euskadiko Irakurketa Publikoko Sareko katalogoan eskuragarri dauden musika eta liburuak biltzen dira. Material horiek guztiek emakumearen eta generoaren gaiak lantzen dituzte antropologiaren, historiaren, identitatearen, komunikazioaren edota sexualitatearen ikuspuntutik. Haurrentzako literatura ere gehitu da gidan, baita komikiak eta eleberri grafikoak ere.

Irakurketa gida

Horretaz gain, liburutegian zein Emakumeen Topalekuan materialen erakusketa jarri da, feminismoa, generoa eta eremu ezberdinetako emakumeen egoera lantzeko. Liburuak eta filmak daude ikusgai, eta guztiak maileguan eskatu eta eraman daitezke.

Liburutegi espezializatua Emakumeen Topalekuan

Gogorarazten dizuegu Emakumeen Topalekuan generoa eta berdintasuna oinarri dituzten 350 titulu baino gehiagoko liburutegia dagoela eskuragarri. Materialak fisikoki Topalekuan dauden arren, udal liburutegiko katalogoaren zati dira, eta horiek hartzeko Euskadiko Irakurketa Publikoko Sarean egotea beharrezkoa da.