Bi astez itxita egongo da Eitzatik Aixola urtegira igotzen duen mendi-pista

Gipuzkoako Urak ezagutarazi du denbora horretan mantenu lanak egingo dituela

Gipuzkoako Ur Kontsortzioak jakinarazi du azpiegitura horren komunikazio kablean mantenu lanak egin ahal izateko Eitza (Zaldibar) auzotik Aixola urtegira igotzeko eta errepidearen paralelo dagoen mendi-pista bi astetan itxita izango duela erabiltzaile ororentzat –oinezko, txirrindulari edo motor gidarientzat-, apirilaren 3ra bitartean, hori barne.

Horrela jaso eta ezagutarazten da zonaldeko arduradunak prestatu eta zabaldu duen oharrean, zeina Mendaron luzatua dagoen eta aste honetako 20. eguneko data duen. Oharrean zehazten denez bidearen bi sarrerak seinaleztatuak egongo dira, afekzioaren berri emateko kartelak jarriko dituztelarik. Amaitzeko, oharrak eragozpenak barkatzeko eta erabiltzaile garen inguruko herrialdetako biztanleoi kolaboratzeko eskatzen digu.