Arratsaldean kontu kontari Lobiano Kulturgunean

Ermuko Udal liburutegiak Arratsaldean kontu kontari ipuin kontaketa jardueraren aurtengo hirugarren saioa antolatu du larunbat honetarako, martxoak 24.

Animalien ipuinak da ipuin saioaren izenburua, eta 4 eta 8 urte arteko neska-mutilei zuzenduta dago. Jarduera euskaraz egingo da, eta Lupe Lekuona izango da ipuin kontalaria.

Saioa Lobiano Kulturgunean izango da larunbat honetan 17:30etik aurrera, eta sarrera doakoa da. Kontaketarako baldintzarik onenak bermatu ahal izateko, plazak mugatuak izango dira, eta etenik ez sortzeko, puntualtasuna eskatzen zaie parte hartu nahi duten ume eta gurasoei.