‘Story Time’, ingelesezko ipuin kontaldia

Ermuko Udal liburutegiak Story Time ingelesezko ipuin kontaldi saio berria antolatu du larunbat honetarako, apirilak 14.

Ipuin saioaren izenburua Storytelling around the world da, eta 4 eta 9 urte arteko neska-mutilei zuzenduta dago. Language School arduratuko da kontaketaz.

Jarduera hau liburutegiak asteburuetarako antolatzen dituen ekintzen egitarau bereziaren barne dago, eta helburu bikoitza du: batetik, ahozko tradizioaren bitartez ipuinen mundura hurbiltzea eta, bestetik, umeen ingelesezko gaitasun linguistikoak hobetzea.

Kontaketa saioa Lobiano Kulturgunean izango da arratsaldeko 17:30etik aurrera. Sarrera doakoa da, baina saioan isiltasun eta kalitate baldintza egokiak bermatu ahal izateko, plazak mugatuak izango dira. Gainera, etenik ez sortzeko, puntualtasuna eskatzen da.