Andoni Ferreño eta Carla Hidalgo aktoreek ‘Carretera y manta’ antzezlana aurkeztuko dute

80. hamarkadako lehen urteetan, Albentar errepertorio-konpainia bizirik irauten ahalegintzen da herriz herri, funtzioz funtzio, kasinoetan, parrokiako zineetan eta bingoetan emanaldiak eskainiz. Horretarako, edozein generorekin ausartzen dira agertokian: errebista-numeroetatik hasi, eta vaudevillean zehar, egoerazko komedia eta haur ikuskizunetara arte. Gloriarekin baino gehiago epikarekin, egoerarik dibertigarrienetarako bidea zabaltzen dute.

Abiapuntu horrekin hasten da Iluna Konpainiaren produkzio berria, Carretera y manta. Andoni Ferreño ermuarra eta Carla Hidalgo ditu protagonista antzezlanak, eta gure herrian ikusteko aukera izango dugu aste honetan.

Camioneta y manta obrak artista txiki batzuen bizitza erakusten du, komedia estilo ezberdinei errepasoa egiten dien eta irribarreak eragiten dituen bitartean; guztia, gainera, gozotasunez eta emozioz beteta. Estilo eta erregistro aniztasun horri esker, Ferreño eta Hidalgo inoiz ez bezala ikusteko aukera izango dugu.

• Camioneta y manta antzezlanaren dossierra

Miguel Goikoetxandiak idatzi eta zuzendutako antzezlanak 80 minutu inguruko iraupena du, eta ostiral honetan, apirilak 20, 22:15etik aurrera izango da ikusgai Ermua Antzokian.

Sarrerak salgai daude jada 12 euroren truke Lobiano Kulturgunean, BBKren orotarako kutxazainetan, Kutxabanken webgunean eta, ikuskizuna hasi baino ordubete lehenagotik, Ermua Antzokiko leihatilan.