Funambulista kantautorea Ermuan izango dugu ostiral honetan

Diego Canteroren musika ibilbidea adin nagusitasunera iritsi bezain laster hasi zen, bakarlari gisa musika jaialdi eta lehiaketetan sariak eskuratzen hasi zenean. 2008an hartu zuen Funambulista izena, duela urte askotik errealitatea zena adierazteko helburuarekin. Horrela, bakarlari gisa aritu ostean, talde sendo eta egonkorra osatu zuen, eta sortzailearen ezaugarri bereizgarriak dituen pop talde baten arima bihurtu zen.

Bere melodia propioak sortzeaz gain, Funambulistak Malú eta Raphael bezalako artistentzat abestiak konposatu ditu, eta Dani Martin eta David Otero artistekin batera kantuak sortu ditu. Autore gisa egindako lanak telebistan, zineman eta publizitatean agertu dira, eta bere diskoak nahiz beste hainbat talderenak ekoiztu ditu.

Kantautore murtziarra ostiral honetan izango dugu estreinakoz Ermua Antzokian, kontzertu akustikoan. Ya verás, Quiero que vuelvas eta Quédate bezalako abesti arrakastatsuak aurkeztuko ditu bertan.

Kontzertua 22:15ean hasiko da, eta sarrerak salgai daude 12 euroren truke Lobiano Kulturgunean, BBKren orotarako kutxazainetan, Kutxabanken webgunean eta, ikuskizuna hasi baino ordubete lehenagotik, Ermua Antzokiko leihatilan.

Girotzen hasteko, Funambulistaren abestirik ezagunenetako bat uzten dizuegu.