Arratsaldean Kontu Kontari saioa Lobiano Kultur Gunean

Ermuko Udal liburutegiak Arratsaldean Kontu Kontari ekimenaren laugarren saioa antolatu du larunbat honetarako.

Hunkipuinak eta musika: emozioei buruzko istorioak da ipuin saioaren izenburua, eta 4 eta 8 urte arteko umeei zuzenduta dago. Sorgina Pirulina izango da kontalaria, eta saioa euskara hutsean izango da.

Ekimena Lobiano Kultur Gunean izango da 17:30etik aurrera, eta sarrera doakoa da. Jardueraren garapen egokia bermatu ahal izateko, plaza kopurua mugatua izango da. Halaber, eta etenik ez sortzeko, puntualtasuna eskatzen da.