Eskolara oinez joatearen ekimena berrabiatu du Eskolabarri ikastetxeak

Maiatzaren 7tik 11ra bitarteko astean gauzatuko dute aurten

Eskolabarri ikastetxeak aste honetan eskolara oinez joan eta bueltatzearen ekimena gauzatuko du udaberriaren urtaroaren baitan, eguraldia hobea izan ohi delako. Eskolako bidea hezkuntza kideen artean sustatutako programa da, etxetik eskolara joateko ibilbide jasangarriagoak sustatu nahi duena, ikasleria autonomoago izan dadin eta ingurumenari mesede eginez.

Astean zehar eskolako boluntarioak, Guraso Elkarteko nahiz Ingurune Batzordeko kideak jagole lanak egingo dituzte, umeentzako ustez arriskutsu izan zitezkeen puntuetan. Boluntario eta laguntzaileek txaleko islatzaile jantzi eta oinez eskolara joateko aldez aurretik elkarrekin geratu diren ikasle gaztetxoen segurtasunaz arduratu dira. Lan horretan Udaltzaingoaren laguntza jasan dute, agenteak bertan izan baitira.