Gazteentzako irakurketa klubaren amaiera Patxi Zubizarreta idazlearekin

Udal liburutegiaren gazteentzako irakurketak lubak bihar izango du ikasturteko azkeneko saioa, eta bertan izango da Patxi Zubizarreta idazlea.

Euskaraz nahiz gazteleraz irakurtzeko zaletasuna duten 9 eta 11 urte arteko neska-mutilek osatzen dute irakurketa kluba. Bertan, ipuinak, komikiak, olerkiak edo istorioak irakurtzen dituzte, ondoren guztien artean komentatzeko. Gainera, sormenarekin eta literaturarekin lotura duten bestelako ekintzak ere burutzen dituzte. Saioak Onintze Goitiz idazleak dinamizatzen ditu.

Hilabete honetan Patxi Zubizarretak idatzitako “Bakarrik eta Buztangabe” (Pamiela) liburua irakurri dute partaideek, eta oporrak era harrigarrian hasten dituzten neskatoari eta katuari gertatzen zaiena komentatzeko aukera izango dute.

Klubaren denboraldi berria

Irailean irakurketa kluben ikasturte berria hasiko da. Interesa duten pertsonak hil horren hasieran Liburutegitik pasa daitezke, 943179212 telefonora deitu edo e-mail bat bidali euren datuekin biblioteca@udalermua.net helbidera. Ekintzak doakoak dira, baina plazak mugatuak dira; ondorioz, parte hartu ahal izateko aldez aurretik izena eman behar da.