Liburutegiko jardueretan parte hartzeko azkeneko plazak

Urrian hasiko dira urtero bezala Udal liburutegiak antolatu dituen irakurzaletasuna sustatzeko ekimenak. Adin tarte guztiei zuzendutako jarduerak izango dira, eta gehienak maiatzera arte mantenduko dira. Horrela, astero, hilero edo bi hilean behin bilduko dira irakurketa klubetan eta filosofia, idazketa edo olerki tailerrean parte hartuko duten pertsonak.

Azken plazak libre

Nahiz eta ekimen gehienetan plaza guztiak bete diren, bost jardueretan parte hartzeko aukera dugu oraindik ere:

• 6 eta 8 urte bitarteko umeentzako Mintzoan kux-kux irakurketa kluba, hilean behin larunbat goizean biltzen dena.
• 9 eta 11 urte bitarteko gaztetxoentzako irakurketa kluba, hileko asteazken batean elkartzen dena.
• Helduentzako euskarazko irakurketa kluba, hileko astelehen batean batzen dena.
• Helduentzako poesia tailerra, hamabost egunetik behin larunbat goiz batean elkartzen dena.
• 60 urtetik gorako pertsonentzako 2.0 irakurketa tailerra, hamabost egunean behin, ostegunean, goizeko hamaiketako taldea.

Izena emateko 943 17 92 12 telefonora deitu daiteke edo biblioteca@udalermua.net helbidera mezu elektroniko bat bidali izen-abizenak, telefono zenbakia eta liburutegiko bazkide txartelaren zenbakia eskainiz. Bestela, aurrez aurre liburutegian bertan ere eman daiteke izena, 9:30etik 20:30era.