Ordainleku zaharreko parkean kokatuko da komun publiko berria

Ermuko Udalak herritarren partaidetza prozesua burutu du astelehen arratsalde honetan Sallabente auzoan. Prozesu honen helburua auzoan komun publiko berri bat jartzea eta non kokatu erabakitzea izan da, herritarrei eginiko kontsulta baten bitartez.

Guztira 192 pertsonak parte hartu dute kontsultan, eta agerian gelditu da herritarrek gustukoen duten aukera komuna autopistako ordainleku zaharraren ondoko parkean kokatzea dela.

Aukera horrek botoen %59a lortu du (113), eta San Lorenzo ikastetxearen aurrean kokatzeak, aldiz, botoen %41a jaso du (79). Horrela, datozen asteetan parke ingurua egokitzen eta komun publikoa instalatzen hasiko dira.

Sallabente auzoan komun publiko bat jartzea bertako herritarren eskaera izan da, eta auzotar guztiei zerbitzua emateaz gain, ordainleku zaharreko parkean jolasean ibiltzen diren haurrek ere erabili ahalko dute.