Ipuin artean arratsaldeaz gozatzeko aukera larunbatean Lobianon

Ermuko Udal liburutegiak ipuin kontaketa saioa antolatu du larunbat honetarako, azaroak 17, Arratsaldean kontu kontari egitasmoaren barnean.

Joxe Moxe Kitarraren etxean gertatutakoak da kontaldiaren izenburua, eta sei eta hamar urte arteko haurrei zuzentzen da. Ixabel Agirresarobe izango da ipuin kontalaria, eta saioa euskara hutsean izango da.

Ekimena Lobiano Kultur Gunean burutuko da larunbat honetan 17:30etik aurrera, eta sarrera doakoa izango da. Dena dela, jardueraren martxa egokia bermatzeko, plazak mugatuak izango dira. Era berean, etenik ez sortzeko, puntualtasuna eskatzen zaie saioko parte-hartzaileei.