Zuntz optikoko sarea etenda egongo da gaur gauean

Promosa sozietate publikoak jakinarazi du Udalaren zuntz optikoaren bitartez eskaintzen diren zerbitzu guztiak eten egingo direla gaur gauean.

Pasatu den urriaren 5ean izandako matxura bat behin-betiko konpontzeko egingo da etenaldia, horren ondorioz sareko erabiltzaile asko zerbitzurik gabe gelditu baitziren. Hori horrela, herriko edozein operadoreren bitartez udalaren zuntz optikoko sarea erabiltzen duten pertsonek ezingo dituzte kontratatutako zerbitzuak erabili lanek irauten duten bitartean.

Konponketa lanak gaur gauean, astelehena, azaroak 26, burutuko dira 22:00etatik aurrera. Zerbitzua zazpi ordu aurrerago izango da abian berriro ere, 05:00etatik aurrera, hain zuzen.

Promosak erabiltzaileen ulermena eta pazientzia eskertu nahi ditu, eta lan hauek eragin ditzaketen eragozpenak barkatzeko eskatzen du.