‘Story Time’ ipuin kontaldia ingelesez

Ermuko Udal liburutegiak Story Time ingelesezko ipuin kontaketa saio berri bat antolatu du larunbat honetarako, abenduak 1.

Ipuin kontaldiaren izenburua Netty Goes to Sea da, eta 4 eta 9 urte arteko umeei zuzendua dago. Hannah Berry kontalariak gidatuko du saioa.

Jarduera hau liburutegiak antolatutako asteburuetarako ekintza egitarau bereziaren barne dago eta helburu bikoitza dauka: batetik, ipuinen mundura ahozko tradizioaren bitartez hurbiltzea, eta bestetik, umeen ingelesezko gaitasun linguistikoak hobetzea.

Ekimena Lobiano Kultur Gunean izango da arratsaldeko 17:30etik aurrera. Sarrera doakoa da, baina saioan isiltasun eta kalitate baldintza egokiak bermatzeko, plaza mugatuak egongo dira.

Etenik ez sortzeko puntualtasuna eskatzen da.