Arratsaldean kontu kontari Lobiano Kultur Gunean

Ermuko Udal liburutegiak urteko lehenengo ipuin kontaketa saioa antolatu du, Arratsaldean kontu kontari izeneko ekimenaren barnean kokatzen dena, larunbat honetarako, urtarrilak 19.

Marizeruren ametsa du izena ipuin saioak, eta 6 eta 10 urte arteko haurrei zuzenduta dago. Maider Alcelay izango da kontalaria, eta euskara hutsean izango da saioa.

Ekimena larunbat honetan 17:30ean hasiko da Lobiano Kultur Gunean. Sarrera doakoa da, baina jardueraren martxa egokia bermatu ahal izateko, plazak mugatuak izango dira. Era berean, etenik ez sortzeko, puntualtasuna eskatzen zaie parte-hartzaileei.