VI. Mendeurreko eta Zubiaurreko kaeen tartean asfaltatua konpontzeko lanak

Udal Bulego Teknikoak aditzera eman duenez gaur hasiko ditu VI. Mendeurreneko eta Zubiaurre kaleen artean dagoen zati bateko bide zuloak konpontzen hasiko da gaur, hain zuzen ere, Farmaberri eta Irudi argazki denda ohiaren arteko zatia -26aren parean-. Gaur hondatutako zatiak fresatuko dituzte eta bihar, osteguna, asfaltatu eta pintatuko da.

Lan horiek ‘Pavisa’ enpresak egingo ditu eta horren langileak izango dira bertan seinaleekin auto gidariei txandakako pasoa ematen eta koordinatzen. Hortaz, errepidea zabalik mantenduko den arren hainbat denboran errei bakarra izango da, konpartitu eta noranzko bakoitzekoek txandakatu beharrekoa. Lan horiek koordinatze aldera, Obra-Zerbitzuetako eta Herritarren Segurtasunerako alorrek bildu egin dira enpresarekin, herritarroi eta gidarioi eragingo zaizkien eragozpenak leuntzeko. Udaltzain agenteek bi egunotan beren presentzia eremuan areagotu egingo dute, segurtasuna bermatu eta laguntzeko, VI. Mendeurren kalea herritik irten edo zeharkatzeko bide nagusia baita.