Bost puntuk osatzen dute astearte honetako Osoko Bilkura

Ermuko Udaleko zinegotziak astearte honetan bilduko dira, martxoak 12, hileko Osoko Bilkura saiorako. Bilerak ohiko izaera izango du, eta arratsaldeko 19:00etarako deitua dago lehen deialdian eta 19:30etarako bigarrenean, udaletxeko Bilkura Aretoan.

Deialdiak 5 puntu hartzen ditu barne gai-zerrendan, eta ohi bezala, bilkuran dauden zinegotziei eguneko gai-zerrendako gaiekin zerikusia duen edonolako interes zuzen eta garrantzitsu jakitera emateko gonbidapenarekin hasiko da eta aurreko –2019ko otsailaren 12ko bilerako- aktaren bozketarekin ondoren.

Hirugarren, Zerukoa auzoko eraikin batean igogailu bat jarri ahal izateko, eraikinaren behe solairuko zati bat desjabetzeko espedientearen hasiera onesteaz mintzatuko dira zinegotziak. Jarraian eta laugarrenean, PSE-EE/PSOEk eutanasiaren inguruan aurkeztutako mozioa onartuko da.

Bosgarren eta azken puntuarekin amaituko da Osoko Bilkura; bertan, galdera-eskariak jasoko dira, baldin badaude.

• Bilkurako gai-zerrenda

Gogorarazten dugu saioa 19:00etatik aurrera zuzenean eskainiko dugula Udalaren webgunean eta YouTubeko gure kanal ofizialean.

Dokumentazio guztia, eguneko gai-zerrendarekin batera, hemen kontsultatu daiteke.