2019ko apirilaren 28ko hauteskunde-mahaietako kideak aukeratu dira zozketaz

Datorren apirilren 28an izango diren Hauteskunde Orokorretara begira, Udalbatzarrak Ermuan osatuko diren hogeita bi hauteskunde-mahaiak osatuko dituzten 198 pertsonak hautatu ditu.

Aukeraketa CONOCE izeneko aplikazio informatikoaren bidez burutu da. Aplikazio horrek era aleatorioan eta anonimoan egiten du hautaketa Ermuko hautesle-erroldan inskribaturik daudenen artean. Zozketa apirilaren 2ko Osoko bilkuran egin da eta zuzenean eskaini dugu, datu pertsonalak ikusi ez zitezen neurri zorrotzak hartuz.

Izendapenak prest daude eta gaur bertan jakinarazpena ematen hasiko zaie interesatuei.

Izendapenaren aurrean alegazioak aurkez ditzaket?

Gaurtik hasita, izendatuak izan diren pertsonek jakinarazpena jasotzen dutenetik zazpi egunetako epea dute Durangaldeko Hauteskunde Batzordeari kargu hori onartzeko oztopatzen dieten zioak eta dokumentazioa aurkezteko.

Durangaldeko Hauteskunde Batzordeak bost egunetan behin-betiko erabakia hartzen du.

Alegazioak Durangaldeko Hauteskunde Batzordera joanez egiten dira, behean jasotzen den helbide eta ordutegian:

• Helbidea: Ezkurdi plaza z/g (Guardiako epaitegia)
• Telefonoa: 946030060
• Faxa: 946030074
• Posta elektronikoa: juntaelectoralzona_durango@yahoo.com
• Alegazioetarako ordutegia:
  • Astelehenetik ostiralera: 15:30etik 19:00etara
  • Larunbatak: 10:00etatik 13:00etara