Izen-emateak zabalik Ermuko Haurreskolan

Irailean, urrian eta azaroan Haurreskolara joaten hasi nahi duten umeen familientzat izena emateko epea zabaldu da gaur osteguna, maiatzak 2.

2018an eta 2019an jaiotako neska-mutilen guraso edo legezko tutoreek Haurreskolak Partzuergoko edozein zentrotan eskatu dezakete plaza. Ermuan Iparragirre kaleko 15. zenbakian kokatzen da eskola.

Eskaerak entregatzeko epea maiatzaren 2tik hasi eta 10era arte, ostirala, egongo da zabalik. Apirilaren 10etik aurrera jaiotako umeen kasuan, maiatzaren 10etik aurrera aurkeztu ahalko dira eskaerak Haurreskoletan bertan, jaiotze datatik hilabete bat bete arteko epean. Eskaera horiek behin behineko edota behin betiko zerrendetara gehituko dira.

Ekainaren 14an argitaratuko dira behin-behineko zerrendak. Erreklamazio eta zuzenketa epea amaitzean, uztailaren 12an izango dira eskuragarri onartuen behin-betiko zerrendak.

Ekainaren 28tik aurrera aurkezten diren eskaerak behin betiko zerrendak argitaratu ostean kudeatuko dira, adin tarte horretarako tokiak baldin badaude.

Informazio gehiagorako, kontsulta ezazu Haurreskolen webgunea.