Maiatzeko ohiko Osoko Bilkura, asteartean

Ermuko Udaleko zinegotziak bihar bilduko dira, maiatzak 21, hileko ohiko Osoko Bilkura saiorako. Bilera arratsaldeko 19:00etarako deitua dago lehen deialdian eta 19:30erako bigarrenean, udaletxeko Bilkura Aretoan.

Deialdiak zazpi puntu hartzen ditu barne gai-zerrendan, eta ohi bezala, bilkuran dauden zinegotziei eguneko gai-zerrendako gaiekin zerikusia duen edonolako interes zuzen eta garrantzitsu jakitera emateko gonbidapenarekin hasiko da. Jarraian, aurreko azken bi bileretako–2019ko apirilaren 16koa eta 30ekoa- aktak onartuko dira.

Hirugarren puntuan 1556/2019 Dekretuaren berri emango da; horren bitartez, aurrekontua aldatuko da kreditu-geldikinak erantsi ahal izateko. Segidan, 2019ko Diru-laguntzen Plan Estrategikoaren aldaketa onestea erabakiko dute zinegotziek, eta 2020. urteko herriko jai eguna zein izango den zehaztuko dute. Azkenik, galdera-eskariak jasoko dira, baldin badaude.

• Bilkurako gai-zerrenda

Gogorarazten dizuegu saioa 19:00etatik aurrera zuzenean eskainiko dugula Udalaren webgunean eta YouTubeko gure kanal ofizialean.

Dokumentazio guztia, eguneko gai-zerrendarekin batera, hemen kontsultatu daiteke.

Goizean, informazio saioak

Bihar goizean, gainera, informazio eta ogasun batzordeak izango dira udaletxean. Lehenengo saioa 09:30ean hasiko da, eta gai nagusia Toki Garapeneko Alorrari dagokion 2018ko Kudeaketa Planaren likidazio-txostena izango da. Jarraian, Kontuen eta Ogasuneko Batzorde berezian, 1556/2019 Dekretua izango da hizpide, aurrekontua aldatu eta kreditu-geldikinak erantsi ahal izateko.

Osoko Bilkura bezala, bi bilera horiek ere streaming bidez ikusi ahalko dira Udalaren webgunean eta Youtubeko kanalean.