Igerileku zerbitzuan gatazka duten alderdiekin bilera egingo datorren astean

Ermuko Udal honek datorren astean hartu eta bilduko ditu Aiteko Management, S.M.ko eta kiroldegiko igerilekuan begirale eta sorosle lanean bere langile direnen ordezkari sindikalak (ELAkoak), gatazka objektibatzeko lanean bitartekaritza egiteko eta egoera desblokeatzea ahalbidera dezaketen puntuak aurkitzen saiatzeko.

Erakundea eta alkatetza lanean daude gatazkaren berri izan zuten lehenengo egunetik; egoera aztertu eta aholkulari juridikoekin kontrastatuz, konponbidea bilatzeko bitartekaritza eta zubi lana egiteko xedez. Udalak jakin badaki, zerbitzatzen duen herriaren interes orokorren aldeko lane horretan lidergoa hartu behar duela.

Horregatik, datorren asteko ostegunean –ekainaren 6an- alderdi ezberdinekin biltzea zehaztu du, guztiok batera egoera aztertu, kontrataturiko enpresaren eta bere langileen arteko lotura lana egiteko.