El entorno de la nueva estación de tren ya está abierto tras concluir la urbanización

Ermuan trenaren bidea bikoiztu eta estazio berri bat eraikitzeko lanak osorik bukatu dira.Eusko Treneko estazioaren inguruak urbanizatzeko lanak bukatu berri dira, orain egun batzuk, kale eta pasabide guztiak zabalik eta erabilgai geratu direlarik. Jada, Izelaietako plazatxotik nahiz estazio berrearen azpitik eta Bizkaia Etrobideko kaletik pasa daiteke Berdintasunaren pasialekurantz nahiz Martxoak 8ko plazatxorantz, espazio osoa loutirk gera baita.

Aipatu kale horien arteko pasabide guztiak zabaldu eta zerbitzuak jartzeak erabateko amaiera eman dio nasa bacará erdian eta burdin bide bikoitza dituen tren estazio moderno eta berria egiteko proiektu handiari, bizi dugun hogeita bat garren mendeari dagokion bezalakoa. Azpiegitura eta obra hori egiteko 30 milioi euro jarri ditu Eusko Jaurlaritzak, Ekonomiaren Garapen eta Azpiegitura Sailaren bitartez.

Azpiegitura berria gradualki jarri da zerbitzuan. Aurtengo urtarrilean estazio berria eta Izpilla mendi azpiko tunela erabiltzen hasi ginen. Apirilaren bukaeran, estazio berri azpitiko pasabidearen erdia ireki zen, Izelaieta eta Gipuzkoa Etorbidetik zuzen jarraitu ahal izateko. Horren ondoren, Bizkaia Etrobideko ingurua urbanizatzeari ekin zitzaion. Jada, erremate guztiak eginak daude.

Tren ibilbide berriaren ezaugarriak

Trenbide bikoitzeko trazatu berriak 1.500 metroko luzera du. Hasiera Zaldibarko Eitza auzoaren inguruan du –Bilbotik Donostiarako noranzkoan-, eta ia osorik joango da tunel barruko ibilbidea duen saihesbidetik (1.025 metroko luzerakoa), Ermuko sarreraraino. Bertan, N-634 errepidea gurutzatuko du 40 metroko luzerako bide-zubi baten bitartez, geltoki berrira iritsi aurretik. Segidan, egungo trenbidearekin bat egingo du berriro, Izelaieta kale azpialdeko igarobidearen aurretik. Obrari esker, Oletxeko trenbide-pasagunea kendu ahal izango da.

Trenbidea 1.500 metro bikoiztuz, fidagarritasuna eta segurtasuna irabazi du trenak eta ibilbidea bi minututan murriztu. San Antoniotik Gipuzkoa Etorbidera arteko bizilagunen bizi-kalitatea asko hobetu da, zarata eta trenaren afekzioak gutxitzean. 30 milioi euroko inbertsioak Ermuan geltoki eta zerbitzu modernoa izan dezagula ahalbidetuko du, bizi dugun hogeita bat garren mendeari dagokion bezalakoa.